白癜风最好的医院 https://wapjbk.39.net/yiyuanzaixian/bjzkbdfyy/

客家山歌：阿哥唱歌妹来和

客家山歌《阿哥唱歌妹来和》，演唱：邱标、郑秋，收集整理：房子满，视频摄制：邱婉霞。时间：年5月9日，取景地点：广州龙洞森林公园。

视频时长11分钟，建议用WIFI观看。

客家山歌：阿哥唱歌妹来和

哥：山歌唔唱心唔开，大路唔行生溜苔。

声声唱出知心话，阿哥唱出妹来和。

妹：山歌唔唱烂肚中，花边唔使会上铜。

老酒唔食会变醋，再好人才屈山中。

哥：食完饭后就上龙，专心专意遇花容。

咁好花容后遇到，身家了碧愿背筒。

妹：蜘蛛结网在肚中，再好亲朋莫露风。

白板红中唔好碰，你话好同唔好同。

哥：天上冇火样咁光，地下冇风样咁凉。

天生丽质聊利妹，身上冇花样咁香。

妹：天上冇火月光光，桥下有水桥面凉。

老妹今年十七八，身上冇花自然香。

哥：么个弯弯似把弓，么个生来一点红。

么个生来唐定吊，么个遮等暗朦胧。

妹：桃叶弯弯似把弓，桃树开花一点红。

桃子打来唐定吊，桃叶遮桃暗朦胧。

哥：么个冇骨会上天，么个冇骨在田边。

么个冇骨街上卖，么个冇骨妹面前。

妹：火烟冇骨会上天，蚨蜞冇骨在田边。

豆腐冇骨街上卖，丝巾冇骨妹面前。

哥：柑桔跌落古井心，一半浮来一半沉。

你是要跌跌下去，莫来浮起动郎心。

妹：嫁夫爱嫁耕田郎，耕田阿哥情义长。

田头地尾碌碌转，夫妻有商又有量。

哥：柑榄好食两头尖，落地唔知那头生。

女系有才哥有貌，天长地久结鸳鸯。

合：日也魂来夜也魂，黄昏竟作天上云。

等到今晡目睡足，明天等妹十里亭。